Atmosferako ¹³C eta ¹⁴C karbono-isotopoen ¹²C isotopoarekiko kontzentrazio erlatiboetan nabari den beherapena. Horren azalpena da erregai fosilen errekuntzaren ondorioz atmosferara isurtzen den karbono dioxidoa. Alde batetik, erregai fosiletan dagoen karbonoan urria da ¹³C isotopoa, fotosintesian landareek ez dutelako ¹³C karbono isotopoa ¹²C isotopoa beste erabiltzen. Bestalde, milioi urtetan lurperatuta egon eta gero, erregai fosilek duten karbonoak ez du batere ¹⁴C isotoporik, desintegrazio erradioaktiboa jasan duelako. Klima-aldaketaren ikerkuntzan kontuan hartu ohi den efektua da.